Mga FAQ tungkol sa Medicare

Idinagdag ang Medicare Part D upang tulungan ang mga indibiduwal na bayaran ang mga iniresetang gamot. Boluntaryo ang pag-sign up para sa Medicare Part D, bagaman maaaring maglapat ng mga multa kung hindi ka nag-sign up noong una kang naging kuwalipikado at kapag wala kang ibang saklaw ng gamot na katumbas o mas magaling kaysa sa saklaw na inaalok ng Medicare. (Tinatawag itong nake-credit na saklaw.)

Sino ang kuwalipikado?

Para sumali sa isang Medicare Prescription Drug Plan (Medicare Part D), kailangang mayroon kang Medicare Part A at/o Part B. Para sa coverage sa iniresetang gamot sa pamamagitan ng isang Medicare Advantage plan, kailangang mayroon kang Medicare Part A at Part B para mag-enroll. Dapat mong ipagpatuloy ang pagbabayad sa iyong Medicare Part B na premium.

Ang Dual Special Needs Plan (D-SNP) ay ginawa para sa mga indibiduwal na may parehong Medicare at Medi-Cal. Pinapababa ng mga D-SNP ang mga gastos, nag-aalok ng higit pang mga benepisyo, at tumutulong para makapagsama ang saklaw ng Medicare at Medi-Cal.

Para malaman ang higit pa tungkol sa D-SNP o magpa-enroll, tumawag sa (833) 351-1796.^†

Sa taong 2024, nagsimula ang gap sa saklaw pagkatapos mo at ng iyong plano na magbayad ng natukoy na halaga ng pera (tinatawag itong “limitasyon sa inisyal na saklaw”) para sa mga saklaw na gamot, magbabayad ka ng ibang cost sharing para sa mga gamot mo habang ikaw ay nasa coverage gap. Sa 2025, ang gap sa saklaw ng Medicare (tinatawag na “donut hole”) ay aalisin na. 

Ang catastrophic na saklaw ay espesyal na saklaw para sa mga taong masyadong malaki ang gastos sa mga gamot. Sa sandaling ikaw o ibang kuwalipikadong entidad sa ngalan mo ay nakabayad na ng higit sa $2,000 sa 2025 para sa iyong mga saklaw na gamot, wala ka nang babayaran pa sa natitirang bahagi ng taon.

Lahat ng Medicare Advantage Prescription Drug at Medicare Prescription Drug Plan (Medicare Part D) ng Blue Shield ay may kasamang formulary (listahan ng mga saklaw na gamot) na inaprubahan ng Centers for Medicare and Medicaid Services. Paki-review ang angkop na formulary ng plano para tiyaking kasama rito ang mga iniresetang gamot na kailangan mo bago pumili ng isang plano. Kung hindi mo mahanap ang gamot mo sa aming formulary, magtanong sa iyong doktor o ibang tagareseta kung may gamot sa aming formulary na maaaring ireseta para gamutin ang kondisyon mo. Alamin ang higit pa tungkol sa mga saklaw na gamot sa Formulary para sa Medicare Part D ng Blue Shield of California..

Hindi. Hindi available ang coverage sa iniresetang gamot ng Medicare nang direkta mula sa Medicare. Kahit na naipabawas mo na ang iyong premium mula sa iyong Social Security check, kailangan kang bumili ng coverage sa iniresetang gamot ng Medicare mula sa isang kompanya ng insurance o pribadong kompanya, tulad ng Blue Shield of California, na inaprubahan ng Medicare na mag-alok ng Part D na saklaw ng reseta.

Ang susunod na pagkakataon para mag-enroll ang mga indibiduwal ng tumatanggap ng Medicare ay sa Oktubre 15 hanggang Disyembre 7, sa panahon ng open enrollment. Available ang pagkakataong ito sa parehong panahon bawat taon. May ilang kalagayan na magpapahintulot sa isang tatanggap ng Medicare na mag-enroll sa panahon ng Espesyal na Panahon ng Eleksyon. Tawagan kami sa (855) 203-3874 (TTY: 711) para sa higit pang impormasyon tungkol sa Mga Espesyal na Panahon ng Eleksyon.

Kung hindi ka nag-enroll noong una kang naging kuwalipikado at wala kang ibang nake-credit na saklaw, maaaring magbayad ka ng multa sa late enrollment, na kinakalkula/sinisingil sa halagang hindi bababa sa 1% ng national base na premium ng benepisyaryo para sa bawat buwan na lumipas bago ka nag-enroll. Kung late ka na nag-enroll sa programa, maaaring kailangan mong bayaran ang multa na iyan bawat buwan hangga't nananatili ka sa isang Medicare Part D na plano para sa iniresetang gamot.

Para sa paliwanag kung paano matukoy ang halaga ng iyong multa para sa late enrollment, tumawag sa 1-800-MEDICARE (1-800-633-4227) [TTY: (877) 486-2048, 24 oras kada araw, 7 araw kada linggo.

Maghanap ng listahan ng mga numero ng telepono para sa partikular na plan mo sa page na Makipag-ugnayan sa amin.

Ang isang gamot ay hindi saklaw ng Medicare Advantage Prescription Drug Plan o Medicare Prescription Drug Plan (Medicare Part D) kung ang pagbabayad para sa gamot na iyan ay available sa ilalim ng Part A o B ng Medicare. Halimbawa, hindi maaaring saklawin ang isang gamot kung ibinigay sa pasyente mula sa isang ospital o sa tanggapan ng doktor.

Hindi rin isinasama ng Medicare ang mga gamot na mula sa mga sumusunod na kategorya:

• Mga gamot na hindi inaprubahan ng FDA
• Mga hindi iniresetang gamot (tinatawag ding mga over-the-counter na gamot)
• Mga gamot na ginamit para sa kakayahang magkaanak
• Mga gamot na ginamit para sa pagpapahupa ng ubo o mga sintomas ng sipon
• Mga gamot na ginamit para sa kosmetiko o para pabilisin ang paghaba ng buhok
• Mga vitamin na nangangailangan ng reseta at mga produktong mineral, maliban sa mga bitamina at fluoride na ginagamit bilang paghahanda bago manganak
• Mga gamot na ginamit para sa paggamot sa sexual o erectile dysfunction, gaya ng Viagra, Cialis, Levitra, at Caverject
• Mga gamot na ginamit para sa anorexia, pagbabawas ng timbang o pagdagdag ng timbang
• Mga outpatient na gamot kung saan nilayong hiniling ng manufacturer na ang mga nauugnay na pagsusuri o mga serbisyo ng pagsubaybay ay eksklusibong bilhin mula sa manufacturer bilang isang kondisyon ng pagbebenta

Tandaan: Ang mga gastusing nauugnay sa mga gamot na ito ay hindi malalapat sa iyong aktuwal na gastos na galing sa bulsa (true out-of-pocket expenses, TrOOP). Para sa higit pang impormasyon, sumangguni sa Sentro para sa Medicare at sa dokumento ng Medicaid na Pag-unawa sa aktuwal na gastusin mula sa sariling bulsa (True Out-of-Pocket Costs, TrOOP).

Ang impormasyong ito ay hindi kumpletong paglalarawan ng mga benepisyo. Kontakin sa numero ng Customer Service sa ID card mo.

Bilang isang kuwalikpikadong miyembro ng Medicare Part D, sa bawat magbabayad ka mula sa sariling bulsa para sa isang resetang saklaw sa ilalim ng iyong plano ng benepisyo ng pharmacy, maaari kang magsumite ng kahilingan para sa pag-reimburse.

Kailangang matanggap ang form ng pag-reimburse sa loob ng 3 taon mula sa petsa na binayaran mo ang serbisyo. Ang prosesong ito ng pag-reimburse ay tinatawag na direktang pag-reimburse sa miyembro o direct member reimbursement (DMR).

Hindi garantiya ng pagbabayad ang pagsusumite ng form. Hindi maipoproseso ang mga kahilingan sa pag-reimburse kung walang resibo ng reseta.

Kung kailangan mo ng tulong sa pagkumpleto ng DMR form, kontakin ang iyong pharmacist o tumawag sa Customer Service sa numero na nasa ID card mo sa Blue Shield.

DMR form para sa mga miyembro ng Medicare, English  (PDF, 233 KB)

DMR form para sa mga miyembro ng Medicare, Español  (PDF, 144 KB)

Ipadala sa koreo ang sinagutang DMR form sa:

Blue Shield of California
P.O. Box 52066
Phoenix, AZ 85072-2066

Kasama sa bawat Medicare Advantage Prescription Drug Plan at Medicare Prescription Drug Plan (Medicare Part D) ang isang listahan ng mga gamot na sinasaklaw nito. Tinatawag na formulary ang listahang ito. Sa Blue Shield of California, ang formulary ay binuo at pinananatili ng Pharmacy and Therapeutics (P&T) committee at naglalaman ng mga gamot na sinuri at inaprubahan ng Food and Drug Administration (FDA). Kasama sa Blue Shield of California P&T Committee ang mga doktor at mga clinical pharmacist. Sinusuri at ina-update ng committee ang formulary kada tatluhang-buwan man lang upang tulungan ang mga doktor na magreseta ng gamot na naaangkop at sulit na mga gamot.

Ang pagpapasiya sa saklaw ay isang pasiyang ginagawa namin tungkol sa iyong mga benepisyo at saklaw o tungkol sa halagang babayaran namin para sa mga gamot mo. Ang mga pagbubukod at paunang pahintulot ay ang mga uri ng pagpapasya sa saklaw na maaari mong hilingin.

Ang mga kinakailangan sa saklaw ng gamot ng Blue Shield of California ay tinukoy ng aming Pharmacy & Therapeutics (P&T) Committee, batay sa pagsusuri ng medikal na ebidensya, konsultasyon sa eksperto, at mga alituntunin ng paggamot na kinikilala ng bansa, at ginawa na isinasaalang-alang ang mga kinakailangan sa regulasyon para sa mga pagpapasiya sa saklaw.

Kung isinasaad sa iyong Medicare Part D na formulary na ang iyong gamot ay may kinakailangan/limitasyon (paunang pahintulot o step therapy) para sa saklaw, maaari mong tingnan ang criteria na gagamitin ng Blue Shield of California para gumawa ng pagpapasya sa saklaw. Kailangang matugunan ang kahilingan bago mapahintulutan ang saklaw.

Maaaring kailanganin ang paunang pahintulot (paunang pag-apruba) para masaklaw ang ilang gamot. Nangangahulugan ito na ikaw, ang doktor mo, ang ibang tagareseta, o ang hinirang na kinatawan ay kailangang kumontak sa Blue Shield of California para humiling ng paunang pahintulot para sa saklaw ng iyong reseta at upang magbigay ng klinikal na impormasyon. Kapag hindi naisumite ang kailangang impormasyon o hindi natutugunan ng impormasyon ang pamantayan ng paunang pahintulot, maaaring hindi masaklaw ang gamot.

Hinihiling sa iyo ng step therapy na subukin mo muna ang ilang gamot para gamutin ang iyong medikal na kondisyon bago kami magsaklaw ng isa pang gamot para sa kondisyong iyon. Halimbawa, kung parehong ginagamot ng gamot A at gamot B ang iyong kondisyong medikal, maaaring hindi namin saklawin ang gamot B maliban kung subukin mo muna ang gamot A. Kung hindi mabisa para sa iyo ang gamot A, sasaklawin na namin ang gamot B. Awtomatikong hahanapin ng aming sistema ng pagpoproseso ng mga claim sa gamot ang dating claim sa gamot A kapag magsumite ka ng claim para sa gamot B.

Pumunta sa page ng Formulary. at pumili ng Medicare plan. Dadalhin ka nito sa tool sa paghahanap ng formulary ng plano.

Mayroong dalawang paraan para tingnan ang mga kailangan sa paunang pahintulot at step therapy:

1. Ilagay ang pangalan ng gamot na hinahanap mo sa seksyon na “Paghahanap ng Pangalan ng Gamot” ng tool ng formulary at tingnan ang hanay na “Mga Limitasyon at Mga Restriksyon” para alamin kung lumalabas ang mga simbolong Paunang Pahintulot (Prior Authorization, PA) o Step Therapy (ST).
2. I-click ang mga link ng “Pamantayan ng Paunang Pahintulot” o “Pamantayan ng Step Therapy” para i-download ang PDF. Hanapin ang pamantayan ayon sa generic o branded na gamot para tingnan ang mga kailangan para sa saklaw ng gamot para sa gamot na iyan.

Kapag miyembro ka na ng Blue Shield, kung malaman mo na ang hindi sinasaklaw ng iyong piniling plano ang iyong gamot, mayroon kang dalawang opsyon:

1. Magtanong sa Customer Service para sa listahan ng mga katulad na gamot na saklaw ng planong pinili mo. Kapag natanggap mo na ang listahan, ipakita ito sa iyong doktor at hilingin sa kanila na magreseta ng katulad na gamot na saklaw ng planong pinili mo. 
2. Hilingin na gumawa ang Blue Shield of California ng pagbubukod at isaklaw ang iyong gamot. Puntahan ang page na Pagpapasya sa Saklaw para sa higit pang impormasyon kung paano ka o ang iyong doktor ay makapagsumite ng kahilingan ng exception o pagbubukod para sa iyong gamot.

Kung tatawag ang isang tanggapan ng doktor sa Blue Shield of California kasama ang iyong impormasyon, kabilang ang pangalan mo, numero ng ID ng subscriber, klinikal na pagsusuri, kasaysayan sa dating gamot, at iba pang klinikal na impormasyong hinihiling sa aming pamantayan sa paunang pahintulot para sa gamot, maaari naming pag-aralan ang kahilingan sa panahon ng pagtawag. Kung ang kahilingan ay ipinadala sa fax o isinumite nang elektroniko (at saka ePA), maaaring abutin ito nang 72 oras (o 24 oras para sa mga pinabilis na kahilingan) para magsagawa ng pagpapasya sa saklaw depende kung natanggap namin ang nakumpletong impormasyon sa fax o elektronikong kahilingan.

Maaari kang tumawag sa tanggapan ng iyong doktor o tumawag sa numero ng Customer Service sa ID card mo.

Maaaring magbayad ng multa sa late enrollment ang taong nag-enroll sa Medicare Advantage Prescription Drug Plan o Medicare Prescription Drug Plan kung nagpapatuloy siyang walang Part D o iba pang nake-credit na saklaw sa iniresetang gamot para sa anumang tuloy-tuloy na panahon na 63 araw o higit pa, pagkatapos ng katapusan ng kanilang Paunang Panahon ng Enrollment para sa Part D na saklaw.

Sa pangkalahatan, ang multa sa late enrollment ay idinaragdag sa buwanang Part D na premium ng isang tao hangga't mayroon siyang coverage sa iniresetang gamot ng Medicare, kahit na baguhin niya ang kaniyang Medicare Advantage Prescription Drug Plan o Medicare Prescription Drug Plan (Medicare Part D). Nagbabago kada taon ang halaga ng multa sa late enrollment. Ang halaga ng multa sa late enrollment ay nakadepende kung gaano katagal nagpatuloy ang isa na walang saklaw sa Part D o iba pang coverage sa iniresetang gamot.

• Sumali sa isang plano ng gamot ng Medicare kung naging unang kuwalipikado para sa Medicare. Hindi mo kailangang bayaran ang multa, kahit na wala ka pang coverage sa iniresetang gamot noon.
• Huwag magpatuloy ng 63 o higit pang magkakasunod na araw nang walang plano ng gamot ng Medicare o iba pang nake-credit na saklaw sa gamot. Maaaring kabilang sa nake-credit na saklaw sa inireresetang gamot ang saklaw sa gamot mula sa isang kasalukuyan o dating employer o union, TRICARE, Indian Health Service, Department of Veterans Affairs, o saklaw sa insurance sa kalusugan. Dapat na ipaalam sa iyo ng iyong plano kada taon kung ang iyong saklaw ng gamot ay nake-credit na saklaw. Maaaring ipadala nila ang impormasyon ito sa isang sulat o dalhin ang iyong atensyon sa isang newsletter o iba pang piraso ng sulat. Itago ang impormasyong ito, dahil baka kailangan mo ito kung sasali ka sa isang plano ng gamot ng Medicare sa ibang pagkakataon.
• Panatilihing makikita sa mga record kung nagkaroon ka ng nake-credit na saklaw sa gamot, at ipaalam ito sa iyong plano. Kapag sumali ka sa isang plano ng gamot ng Medicare, titingnan ng plano kung nagkaroon ka ng nake-credit na saklaw sa gamot sa loob ng 63 araw o higit pa nang sunod-sunod. Kung naniniwala ang plano na wala ka nito, magpapadala ito sa iyo ng sulat na may kasamang form na tinatanong kung nagkaroon ka ng anumang saklaw ng gamot. Kumpletuhin ang form at ibalik ito sa iyong plano ng gamot sa deadline na nakalagay sa sulat. Kung hindi mo sasabihan ang plano tungkol sa iyong nake-credit na saklaw sa gamot, maaaring magbayad ka ng multa.

Karamihan sa mga plano na nag-aalok ng coverage sa iniresetang gamot, tulad ng mga plano mula sa mga employer o union, ay kailangang magpadala sa kanilang mga miyembro ng abiso na nagpapaliwanag kung paano maihahambing ang kanilang coverage sa iniresetang gamot sa coverage sa iniresetang gamot ng Medicare. Sasabihin ng abisong ito kung ang iyong coverage sa iniresetang gamot sa buong panahon ng iyong naunang plano ay "nake-credit na saklaw sa iniresetang gamot," na nangangahulugang natugunan nito ang mga minimum na pamantayan ng Medicare. Kung hindi ka nakatanggap ng hiwalay na nakasulat na abiso, maaaring ibinigay ng iyong plano ang impormasyong ito sa handbook ng mga benepisyo nito. Kung hindi mo alam kung natugunan ng iyong dating coverage sa iniresetang gamot ang pamantayang ito, kailangan mong kumontak sa iyong naunang plano.

Kung hindi ka sumali sa Medicare Advantage Prescription Drug Plan o Medicare Prescription Drug Plan (Medicare Part D) noong una kang naging kuwalipikado, at wala kang ibang nake-credit na saklaw sa iniresetang gamot, maaaring magbayad ka ng multa sa late enrollment. Sa ilang kaso, may karapatan kang hilingin sa Medicare na pag-aralan ang desisyon sa iyong multa dahil sa late na enrollment. Tinatawag itong muling pagsasaalang-alang. Halimbawa, maaari kang humiling ng muling pagsasaalang-alang kung sa tingin mo ay hindi binilang ng Medicare ang lahat ng iyong nake-credit na saklaw o kung hindi ka nakakuha ng abiso na malinaw na nagpaliwanag kung ang iyong dating coverage sa iniresetang gamot ay nake-credit. Ang iba pang dahilan para humiling ng muling pagsasaalang-alang ay nakalista sa form ng kahilingan na ipinadala kasama ng abisong ito.

Ikaw o ang isang taong pinangalanan mong kumilos sa ngalan mo (ang iyong kinatawan) ay maaaring humiling ng muling pagsasaalang-alang. Kung humihiling ang isang tao ng muling pagsasaalang-alang para sa iyo, kailangan siyang magpadala ng patunay ng kanilang karapatan na kumatawan sa iyo kasama ng form ng kahilingan. Ang patunay ay maaaring isang form ng power of attorney, utos ng hukuman, o form ng pagtatalaga ng kinatawan. Maaari mo ring tawagan ang helpline ng Medicare sa 1-800 MEDICARE (1-800-633-4227) [TTY: (877) 486-2048 at humiling ng Form CMS-1696, ang form para sa pagtatalaga ng kinatawan.

Kung mayroon kang mga tanong tungkol sa impormasyon sa form na ito o sa multa sa late enrollment (gusto mong kumpletuhin ang form na ito sa telepono), tumawag sa numbero ng Customer Service ng Blue Shield of California sa ID card mo.

Ang Durable medical equipment (DME) ay isang uri ng medikal na kagamitang iniutos ng iyong doktor para sa mga medikal na dahilan. Ang mga halimbawa ng durable medical equipment ay mga walker, wheelchair, at kamang pang-ospital.

Kasama sa mga kagamitang sinasaklaw ng Blue Shield Medicare Advantage – Prescription Drug Plans ang, ngunit hindi limitado sa:

• Mga wheelchair
• Mga saklay
• Mga kamang pang-ospital
• IV infusion pump
• Kagamitang nagbibigay ng oxygen
• Nebulizer
• Walker

Sa pangkalahatan, sinasaklaw ng Blue Shield of California Medicare plans ang anumang durable medical equipment na saklaw ng Original Medicare mula sa mga brand at manufacturer sa aming listahan. Hindi namin sasaklawin ang iba pang brand at manufacturer maliban kung sasabihin sa amin ng iyong doktor o iba pang provider na angkop ang brand para sa iyong mga medikal na pangangailangan.

Impormasyon para sa mga bagong miyembro ng Blue Shield of California Medicare Advantage – Prescription Drug Plan

Kung bago ka sa Blue Shield of California Medicare Plan at gumagamit ng isang brand ng durable medical equipment (DME) na wala sa aming listahan, patuloy naming sasaklawin ang brand DME na ito para sa iyo nang hanggang 90 araw. Sa panahong ito, dapat kang makipag-usap sa iyong doktor para pagpasyahan kung anong brand DME ang medikal na naaangkop para sa iyo pagkatapos ng 90 araw na ito. (Kung hindi ka sumasang-ayon sa iyong doktor, maaari mong hilingin sa kanila na i-refer ka para sa ikalawang opinyon.)

Kung bago ka sa Blue Shield of California Medicare Plan at gumagamit ng isang iniresetang gamot na wala sa aming formulary (listahan ng mga saklaw na gamot), sasaklawin namin pansamantala ang 30 araw na supply (31 araw kung ka ay nasa isang pasilidad ng pangmatagalang pangangalaga) para sa iyo sa loob ng iyong unang 90 araw bilang bagong miyembro. Sa loob ng 90 araw na ito, kailangan mong makipag-usap sa iyong doktor upang matukoy kung angkop sa iyo ang ibang gamot. Kung hindi ka sumasang-ayon, maaari kang humiling ng pagpapasiya sa saklaw

Pagpapasiya sa saklaw ng plano

Kung ikaw (o ang iyong provider) ay hindi sumangsang-ayon sa pagpapasya sa saklaw ng Blue Shield of California Medicare Advantage Health Plan, ikaw, ang iyong kinatawan, o ang iyong provider ay maaaring maghain ng apela. Maaari ka ring maghain ng apela kung hindi ka sumasang-ayon sa pasiya ng iyong doktor tungkol sa kung anong produkto o brand ang angkop para sa iyong kondisyong medikal.

Para sa higit pang impormasyon tungkol sa mga apela, tingnan ang Kabanata 9 ng Ebidensya ng Saklaw, “Ano ang dapat gawin kung mayroon kang problema o reklamo (mga pagpapasya sa saklaw, apela, reklamo)”.

TANDAAN: Maaaring may kapit na mga panuntunan ng pahintulot para sa mga serbisyo. Para sa mga detalye, makipag-ugnayan sa numero ng Customer Service sa ID card mo.

Sinasaklaw ng Blue Shield of California Medicare Plans ang mga monitor ng glucose sa dugo at mga test strip. Pakitingan ang iyong plano sa ibaba para sa higit pang impormasyon kung aling mga monitor ng glucose sa dugo at mga test strip ang pinili.

Dadalhin ka nito sa mga benepisyo ng modernong teknolohiya tulad ng:

• Madaling gamitin, walang kinakailangang mga coding meter
• Virtual at walang sakit na pagsusuri gamit ang pinakamaliit na sample size ng dugo
• Nadaragdagang flexibility sa pagsuri ng glucose sa mas maraming body site
• 24 oras na pagsasanay sa meter at teknikal na suporta

Sinasaklaw ng Blue Shield of California Medicare Plans ang mga meter at mga test strip. Maaaring mag-iba ang mga pagpepresyo at halaga ayon sa plano at piniling vendor.

Para sa Blue Shield 65 Plus (HMO), Blue Shield 65 Plus Plan 2 (HMO), Blue Shield Inspire (HMO), Blue Shield 65 Plus Choice Plan (HMO), Blue Shield Medicare (PPO), at Blue Shield Select (PPO) tingnan ang sumusunod para sa higit pang impormasyon:

• Alamin ang tungkol sa mga piniling diabetic test strip ng Part B 
  English (PDF, 110KB), Spanish (PDF, 172 KB)

Para sa Blue Shield AdvantageOptimum Plan (HMO), Blue Shield AdvantageOptimum Plan 1 (HMO), Blue Shield TotalDual Plan (HMO D-SNP), at Blue Shield Inspire (HMO D-SNP), sumangguni sa sumusunod para sa higit pang impormasyon:

• Alamin ang tungkol sa mga piniling diabetic test strip ng Part B 
  English (PDF, 125 KB), Spanish (PDF, 127 KB)

Kung mayroon kang anumang mga katanungan, makipag-ugnayan sa numero ng Customer Service ng Blue Shield Medicare Advantage sa ID card mo.

May malawak na network ng mga pharmacy ang Blue Shield of California. Tingnan ang aming direktoryo ng pharmacy para kumpirmahin kung bahagi ng aming network ang iyong pharmacy.

Palaging dalhin ang iyong ID card ng plano kapag pupunta sa pharmacy upang tiyaking masulit mo ang iyong saklaw ng gamot. Kailangan mong ipakita ang card kahit na ang iyong plano ay may deductible, kung saan maaaring 100 porsyento ang babayaran mo para sa gamot. Nagbibigay-daan ito para matanggap mo ang nakakontratang rate ng Blue Shield sa pharmacy at tinitiyak na ang pagbabayad mo ay maisasama sa iyong taunang mga gastos na galing sa bulsa.

Kapag nag-enroll ka sa isang Blue Shield of California Medicare plan, magbibigay ang iyong saklaw ng benepisyo ng paghahatid sa bahay na posibleng mas matipid at kumbinyente kung saan ang mga gamot ay ihahatid sa iyong bahay o opisina sa pamamagitan ng Amazon Pharmacy.

Kung nagsimula na ang iyong plano, magkakaroon ka ng access sa benepisyong ito. Para sa higit pang impormasyon, bisitahin ang aming parmasyang naghahatid sa bahay na pahina.

Kasama sa kabanatang “Ang pagtatapos ng inyong membership sa plano” sa Ebidensya ng Saklaw ng plano ang mahahalagang paksa tulad ng:

• Kailan mo maaaring tapusin ang iyong membership
• Paano tapusin ang iyong membership
• Bakit maaaring kailangang tapusin ng Blue Shield ang iyong membership sa plano

Maaaring boluntaryo (sarili mong pasiya) o hindi boluntaryo (hindi mo pasiya) ang pagtatapos ng iyong membership. Ilang mahalagang bagay na dapat malaman tungkol sa pag-alis sa isang plano:

1. Maaari kang umalis sa aming plano dahil ipinasiya mo na mong umalis.

Nakadepende ang proseso sa boluntaryong pagtatapos ng iyong membership sa kung anong uri ng bagong saklaw ang iyong pinipili. Kung mag-eenroll ka sa ibang plano na may coverage sa iniresetang gamot, ang pag-eenroll lamang sa ibang planong iyan ay tatapos sa iyong membership sa aming plano.

Para sa Medicare Advantage Prescription Drug at/o Medicare Prescription Drug Plans, gayunpaman, ay may ilang mahahalagang petsang dapat malaman. Ang pinakakaraniwan ay Taunang Panahon ng Enrollment, mula Oktubre 15 hanggang Disyembre 7.

Sa panahong ito, ang mga enrollee ng Medicare Advantage Prescription Drug at/o Medicare Prescription Drug plan ay maaaring mag-enroll sa ibang Medicare Advantage Prescription Drug at/o Medicare Prescription Drug Plan o pag-disenroll sa kanilang Medicare Advantage Prescription Drug at/o Medicare Prescription Drug Plan at bumalik sa Original Medicare. Maaaring gumawa lamang ng isang pagpili ang mga indibidwal sa panahon ng Taunang Panahon ng Enrollment.

Para sa mga tanong tungkol sa pag-alis sa aming plano, makipag-ugnayan sa numero ng Customer Service sa ID card mo.

2. Mayroon ding mga limitadong sitwasyon kung saan hindi mo piniling umalis, ngunit kailangan naming tapusin ang iyong membership.

Halimbawa, kung aalis ka sa iyong lugar ng serbisyo o hindi ka nanatiling patuloy na naka-enroll sa Medicare Part A at Part B.

Kung aalis ka sa aming plano, kailangang patuloy mong kunin ang iyong pangangalagang medikal at/o mga iniresetang gamot sa pamamagitan ng aming plano hanggang matapos ang iyong membership.

3. Hindi namin maaaring hilingin na umalis ka sa aming plano para sa anumang dahilan kaugnay sa iyong kalusugan, at kapag tinapos namin ang iyong membership sa aming plano, dapat naming sabihin sa iyo sa pamamagitan ng sulat ang aming mga dahilan para sa pagtapos ng iyong membership.

Dapat din naming ipaliwanag kung paano ka makakapagreklamo tungkol sa aming pasiya na tapusin ang iyong membership.

Magsimula sa aming page ng mga Resources na may mga kapaki-pakinabang na link sa mga dokumento ng plano at iba pang mga mapagkukunan ng miyembro. Kung miyembro ka ng Blue Shield, mag-log in sa iyong account para sa personalized na impormasyon tungkol sa iyong mga benepisyo.

Maaari mong kontakin ang Centers for Medicare and Medicaid Services para sa impormasyon sa mga opisyal na serbisyo ng pamahalaan.

Kontakin ang Medicare:

Bisitahin ang www.medicare.gov o tumawag sa 1-800-MEDICARE  (1-800-633-4227) [TTY: (877) 486-2048, 24 oras kada araw, 7 araw kada linggo.

Programa ng Pagpapayo at Adbokasya ng Insurance sa Kalusugan (Health Insurance Counseling and Advocacy Program, HICAP)

Nagbibigay ang programa ng libreng payo sa mga taong may Medicare.

Telepono: (800) 434-0222 [TTY: (800) 735-2929]
Lunes hanggang Biyernes, 9 a.m. hanggang tanghali at 1 p.m. hanggang 5 p.m. Pacific Time.

Blue Shield of California

Pag-aralan ang mga pagpipiliang plano ng Blue Shield of California ngayon. Malalaman mo kung anong mga plano ang nasa lugar mo at kung magkano ang posibleng gastos mo para sa bawat isa.

Maaari ka ring makipag-usap sa iyong lokal na broker o sa isa sa mga tagapayo ng Blue Shield Medicare.

Telepono: (800) 963-8008 (TTY: 711)^†

Mga Oras: Abril 1 hanggang Septyembre 30: 8 a.m. hanggang 8 p.m., Lunes hanggang Biyernes at Oktubre 1 hanggang Marso 31: 8 a.m. hanggang 8 p.m., 7 araw kada linggo.

Tandaan: Para mabuksan ang PDF na mga dokumento sa page na ito, kailangan mo ng Adobe Reader.

Pinapalitan ng Medicare Advantage Plans ang mga benepisyo ng Original Medicare, kung saan ay nakakapag-ambag ka rito sa pamamagitan ng mga buwis sa payroll. Kapag pumili ka ng isang Medicare Advantage plan, inililipat mo ang iyong benepisyo sa isang insurer tulad ng Blue Shield of California. Dahil dito, may mga halagang ibinabalik sa amin ang pamahalaan at ginagamit namin ang kabayarang ito sa pagsaklaw para sa iyo sa mga nasa network na provider.